Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në raportin e Auditorit të Përgjithshëm thuhet se e quajtura Agjencia Kosovare e Pronës shumicën e të hyrave i shpenzon për pagat dhe mëditjet, ku vetëm gjatë vitit që shkoi ka shpenzuar 1,388,483 euro. Kurse, të hyrat vetjake të AKP-së ishin 21,171 euro, ku përfshihet pjesa prej 5% nga administrimi i pronave dhe si të tilla është bartur në buxhetin e Kosovës. Kjo Agjenci ka rritur edhe detyrimet e papaguara. Kurse, menaxheri i kontratës kishte bërë edhe specifikimet teknike për tender. AKP nuk ka realizuar fare buxhetin për investime kapitale. Arsyet e mos shpenzimin e mjeteve për investime kapitale ka ardhur si rezultat i planifikimit jo të duhur të projekteve të klasifikuara gabimisht në kuadër të projekteve kapitale në vend se të trajtoheshin në kategorinë ekonomike mallra dhe shërbime. “Në 15 raste të menaxhimit të kontratave kemi hasur që menaxheri i Kontratës ishte personi i njëjtë i cili kishte bërë specifikimet teknike për tender, e cila nuk parashihet sipas udhëzuesit operativ të prokurimit publik”, thuhet në raport. Auditori i Përgjithshëm ka rekomanduar që drejtori ekzekutiv të sigurojë se komisionet e vlerësimit janë duke bërë vlerësim objektiv të ofertave duke respektuar të gjitha kriteret e përcaktuara në dosje të tenderit.
