Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë i Kosovës, Albin Kurti, ka deklaruar se nuk ka ndryshuar qasja e tij për formimin e Qeverisë së re dhe se rezultati i zgjedhjeve është i qartë dhe më i madh se ai i 14 shkurtit 2021. Në një konferencë për media pas takimit me zyrtarë të Postës së Kosovës, Kurti mohoi çdo bllokim në konstituimin e Kuvendit apo në formimin e qeverisë së re. “Bllokimet në konstituimin e Kuvendit dhe pengesat për formimin e qeverisë tashmë janë inekzistente,” tha ai, duke theksuar se procesi institucional do të ecë sipas rendit kushtetues: certifikimi i rezultateve, konstituimi i Kuvendit dhe më pas formimi i Qeverisë së re. Sa i përket postit të presidentes apo presidentit të Kosovës, Kurti njoftoi se së shpejti do të takohet me presidenten Vjosa Osmani për të shqyrtuar hapat e mëtejshëm. Ai theksoi se rruga do të ecë sipas rendit: konstituimi i Kuvendit, formimi i qeverisë dhe më pas zgjedhja e presidentes apo presidentit.
