Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Kurti, ka deklaruar se Kosova preket nga ngritja e çmimeve për shkak të varësisë së saj të madhe nga importi. Gjatë mbledhjes së sotme të qeverisë, Kurti tha se ngritja e çmimeve në gjithë botën të produkteve elementare është “kostoja e mbrojtjes së lirisë së Ukrainës”. “E kuptojmë shqetësimin e gjithsecilit prej jush për rritjen e çmimeve. Por, edhe pse kjo nuk është shkaktuar nga ne, po na prek edhe neve. Kur para 12 ditëve iu bashkuam botës për sanksionet, një kosto e tillë ishte e pashmangshme – kjo është kostoja e mbrojtjes së lirisë dhe demokracisë. Sanksionet e vendosura i kanë prekur çmimet në pothuajse të gjitha sektorët e tjera”, është arsyetuar Albin Kurti pa shpjeguar se çfarë duhet të ndërmarrë Qeveria për t’ i ruajtur gjendjen edhe ashtu tejet të dobët sociale të shumicës së qytetarëve, kur dihet se Kosova është shteti më i varfër i Evropës.
