Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Ardhmërinë e Kosovës, po kërkon sqarim për rolin e Glauk Konjufcës gjatë ditës së hëne, kur edhe u votua qeveria e re. Sipas tyre ai gjatë miratimit të Qeverisë ka votuar për miratimin e saj, e po ashtu edhe për zgjedhjen e tij si ministër i Jashtëm. Shkumbin Demaliaj nga AAK në një konferencë për media ka thënë se kjo përbën konfuzion të madh. Ai shton se për këtë ekspertët duhet ta thonë fjalën e vet, pasi sipas tij është shkelje e madhe. Krahas kësaj, ai ka bërë të ditur që pas konsultimeve do i drejtohen edhe Gjykatës Kushtetuese. Edhe deputetja Teuta Haxhiu nga AAK thotë se nuk kanë marrë asgjë me shkrim për të sqaruar rolin e Glauk Konjufcës, për çka tha se do të shohin ditëve në vijim se si do të sqarohet pozicioni i tij gjatë ditës kur u votua qeveria e re.
