Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ky është përvjetori i parë i Radios “Kosova e Lirë” pa ideologun kryesor të saj, pa çlirimtarin, që tërë jetën e tij ia kushtoi çlirimit të vendit tonë, pa profesorin e nderuar, model i punës edukative arsimore, në nivel kombi, pa romansierin e dëshmuar me veprat e tij të paarritshme, pa Bardin e historisë dhe të letërsisë shqipe dhe profetin e krenarisë kombëtare, Profesorin Ahmet QERIQI!
Sot, Radio “Kosova e Lirë” po e shënon përvjetorin e saj pa redaktorin e saj, pa themeluesin, pa gurë ndërtuesin e KALASË së LIRISË!
Profesori, çlirimtari, Ahmet QERIQI, tërë jetën i qëndroi besnik idealeve të Lirisë, idealeve që ai me dashuri dhe përkushtim punoi, pa frikë, në realizimin e Pavarësisë së Kosovës dhe bashkimit kombëtar!
Radio “KOSOVA E LIRË”, TV “DIELLI” ishin lansuesit e zërit të lirisë dhe mbrojtësit e luftës heroike, të ushtarëve të saj, të UÇK-së!
Profi, me këto ideale u qëndroi të gjitha furtunave dhe erërave të shumta, i qëndroi besnik rrugës së Lirisë dhe shtetndërtimit, deri në frymën e fundit të jetës!
Ahmet Qeriqi është intelektuali më i madh dhe më i devotshëm i kombit, është atdhetari që përmes veprës së Tij fitoi pavdekësinë!
Radio “Kosova e Lirë”, me fanatizëm dhe profesionalizëm, po e vazhdon rrugën me sukses duke realizuar idealet dhe parimet e Tij!
Jo vetëm gjatë këtyre përvjetorëve, por Ahmet QERIQI do të kujtohet gjithmonë me pietet! Ai ishte ideolog i madh, profesor me kulturë kombëtare, çlirimtar i Kosovës, krijues i veprave të mëdha, që gjithmonë do të qëndrojnë ndriçues të rrugës së lirisë!
Lavdia shkon vetëm tek ata që punojnë për Të!
Lavdi e përjetshme profesorit, AHMET QERIQIT!
