Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada e Shteteve të Bashkuara në Prishtinë ka bërë të ditur se do të organizojë një takim publik për qytetarët amerikanë që banojnë në Kosovë. Ngjarja do të mbahet të premten, më 12 dhjetor 2025, nga ora 14:00 deri në 15:00 në ambientet e ambasadës. Takimin do ta udhëheq e Ngarkuara me Punë, Anu Prattipati, e cila do të mbajë fjalën hyrëse dhe më pas do t’u përgjigjet pyetjeve të qytetarëve pjesëmarrës. Ky sesion ofron mundësinë për qytetarët amerikanë të informohen drejtpërdrejt mbi aktivitetet dhe politikat e ambasadës në Kosovë. Pjesëmarrja në takim është e hapur për të gjithë qytetarët amerikanë që jetojnë në Kosovë, dhe sesioni do të zhvillohet në gjuhën angleze. Ambasada inkurajon pjesëmarrësit që të përgatiten me pyetje dhe të shfrytëzojnë këtë mundësi për komunikim të drejtpërdrejtë me përfaqësuesit amerikanë.
