Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori amerikan, në Prishtinë, Philipp Kosnett, i kritikoi për mospunë gjykatësit e Dhomës së Posaçme të Gjykatës Supreme. Në një postim ai shkroi se, ndonëse Ligji i vjetër për Dhomën e Posaçme të Gjykatës Supreme ua ka pamundësuar gjykatësve vendorë të vazhdojnë gjykimet pa kolegët nga EULEX-i – misioni evropian për sundim të ligjit – ata kanë mundur të punojnë në përgatitjen e lëndëve të mbetura prapa. Gjykatësit e Dhomës së Posaçme të Gjykatës Supreme kanë marrë paga për një vit pa marrë asnjë vendim, ka shkruar Kosnett.
Edhe pse Qeveria Haradinaj u ka rritur 100 % pagat gjykatësve prokurorëve dhe zyrtarëve të tjerë, në rastin konkret për të cilin flet ambasadori Kosnett, për një vit mospunë secili nga këta merr hiq më pak se rreth 40 mijë euro pagë në vit duke qëndruar kot në zyre dhe duke u majmur me paratë e taksapaguesve të Kosovës. Ky parazitizëm i zyrtarëve të Qeverisë mbi kurriz të buxhetit të vendit, tregon nivelin e qeverisjes së koalicionit qeveritar.
