Analistët: Lista Serbe u kthye në institucionet e Kosovës për shkak të asociacionit si dhe për mos ta humbur mandatin

Analistët: Lista Serbe u kthye në institucionet e Kosovës për shkak të asociacionit si dhe për mos të humbur mandatin

Krijimi i asociacionit të komunave me shumicë serbe është motivi kryesor i kthimit të Listës Serbe në institucionet e Kosovës, kanë vlerësuar analistët politikë, Behxhet Shala dhe Ramush Tahiri në një intervistë për gazetën “Epoka e re”. Behxhet Shala ka deklaruar se me zgjedhjen e Vuçiqit president, Lista Serbe do ta ketë më të lehtë krijimin e një etniteti etnik dhe politik në Kosovë. “Tash Lista Serbe me Vuçiqin president e ka me të lehtë ta bëjë asociacionin e komunave me shumicë serbe. Por, në qoftë se nuk ka korrigjime shtesë dhe nuk ka ndërhyrje të Kosovës në marrjen e masave parandaluese, atëherë ky asociacion pa asnjë dyshim do të bëhet një etnitet politik dhe etnitet etnik i pavarur. Këmbëngulja që ka përcjell Listën Serbe në kërkesën për formimin e asociacionit tregon se kjo është diçka më tepër se një bashkësi e komunave me shumicë serbe, është shprehur Shala. Ndërsa politologu Ramush Tahiri ka thënë se Lista Serbe është rikthyer në institucione të Kosovës meqë nuk ka dashur ta rrezikojë mandatin e saj. “Ka munguar më shumë se pesë muaj, por nuk i ka kaluar gjashtë muaj për të hyrë në procedurat e humbjes së mandatit. Pra, Lista Serbe nuk ka dashur ta rrezikojë mandatin e vet, kjo është arsyeja e parë e kthimit të saj”, ka theksuar ai.

Kontrolloni gjithashtu

Shaip Kamberi

Shaip Kamberi nuk ka arritur të fitojë mandatin e deputetit në Kuvendin e Serbisë pas rivotimit që u bë në Tërnoc

Koalicioni i Shqiptarëve të Luginës ka marrë vetëm 598 vota, ndërkaq Kamberit i duheshin së …