Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Ministria për Punë, Familje dhe Vlerat e Luftës Çlirimtare, Andin Hoti, ka pritur në një takim njoftues përfaqësuesit e Shoqata e Invalidëve të Luftës së UÇK-së, kryetarin Fadil Shurdhaj, sekretarin Enver Krasniqi dhe anëtarin e kryesisë Sylë Vitia. Gjatë takimit, përfaqësuesit e shoqatës e uruan ministrin Hoti për marrjen e detyrës dhe shprehën gatishmërinë për bashkëpunim të ngushtë institucional, me qasje mirëkuptimi në adresimin e sfidave me të cilat përballen kategoritë e dala nga lufta, njofton zyra për informim e ministrisë. Në këtë takim, ministri Hoti u njoh nga afër me nevojat dhe vështirësitë e invalidëve të luftës së Ushtria Çlirimtare e Kosovës, ndërsa prezantoi edhe vizionin e tij për ruajtjen, mbrojtjen dhe promovimin e vlerave të luftës çlirimtare. Ai theksoi përkushtimin institucional për ruajtjen e dinjitetit të kategorive të luftës, duke e konsideruar prioritet përfshirjen e tyre në Ligjin për Vlerat e Luftës Çlirimtare dhe premtoi angazhim të përbashkët për adresimin e çështjeve që prekin invalidët e luftës.
