Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kroacisë, Andrej Plenkoviç, është shprehur mbi reagimet ndaj marrëveshjes për forcimin e bashkëpunimit në mbrojtje, nënshkruar nga Kroacia, Shqipëria dhe Kosova, duke theksuar se kjo është një marrëveshje e zakonshme dhe nuk ka asnjë qëllim armiqësor. Ai iu drejtua gazetarëve në Bruksel para fillimit të seancës së Këshillit Evropian, duke komentuar kritikat e presidentit serb Aleksandar Vuçiq dhe autoriteteve serbe, të cilat e cilësuan nismën si “provokative.” Plenkoviç theksoi se marrëveshja ka për qëllim mbështetje për përpjekjet e reformave dhe nuk është e orientuar kundër Serbisë. Ai gjithashtu shtoi se Kroacia nuk ka nevojë të kërkojë leje nga askush, përfshirë Serbinë dhe NATO-n, për të realizuar këtë bashkëpunim. Plenkoviç shprehu gjithashtu shqetësim për situatën në rajonin e Ballkanit, duke nënvizuar nevojën për monitorim të vazhdueshëm të stabilitetit në Bosnjë dhe Hercegovinë, si dhe situatën në Serbi.
