leoni

Asfaltohen edhe 2.5 kilometra rrugë në fshatrat e Malishevës

09/08/2019 Institucionet

Në kuadër të rregullimit të infrastrukturës rrugore në fshatrat dhe vendbanimet e Komunës së Malishevës, janë asfaltuar edhe 2.5 kilometra rrugë në katër vendbanime, përkatësisht në Kërvasari, Banjë, Balincë dhe Carrallukë, të gjitha këto rrugë lidhin lagjet e këtyre fshatrave. Asfaltimin e rrugëve, e kanë inspektuar kryetari i Komunës së Malishevës, Ragip Begaj dhe nënkryetari Hajdin Berisha. Kryetari Begaj dhe nënkryetari Berisha, janë ndarë të kënaqur me përfundimin e rrugëve në lagjet e katër fshatrave. “Ne jemi duke realizuar planifikimet tona për këtë vit, ndërsa edhe realizimi i këtyre projekteve të rrugëve, është bërë sipas dinamikës së paraparë, e po ashtu edhe puna është kryer sipas planifikimit dhe ne sigurisht që jemi të kënaqur dhe bashkë me banorët i gëzohemi realizimit të këtyre projekteve, të cilat janë në shërbim të qytetarëve të Komunës së Malishevës”, tha kryetari Begaj. Në Carrallukë janë asfaltuar 600 metra rrugë, në Kërvasari 350, në Balincë 400 metra, ndërsa në Banjë ka përfunduar rruga e filluar më herët, në gjatësi prej 1150 metrave.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara