Asfaltohet rruga alternative në Stubëll të Epërme

Kryetari i komunës së Vitisë, Sokol Haliti, ka vizituar punimet që janë duke u kryer në rrugën alternative në fshatin Stubëll e Epërme, e cila është në përfundim e sipër tani edhe me shtresën e dytë të asfaltit që është duke u kryer sot. Banorët kanë falënderuar komunën për realizimin e këtij projekti të rëndësishëm, dhe projekteve të tjera të shumta, që përmirësojnë dukshëm qasjen dhe kushtet e lëvizjes. Kryetari Haliti tha se përkushtimi për përmirësimin e infrastrukturës rrugore në të gjitha vendbanimet e komunës do të vazhdojë edhe në të ardhmen, duke potencuar se projektet konkrete në terren, janë dëshmi e angazhimit të institucionit komunal për zhvillim të barabartë në të gjitha zonat.