Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Veteranët e Ushtrisë Çlirimtare të Kosovës janë mbledhur sot në sheshin “Skënderbej” në Tiranë, në protestën mbarëkombëtare në mbështetje të ish-krerëve të UÇK-së, që po gjykohen në Hagë. Pak para nisjes zyrtare të protestës, veteranët – të veshur me uniformat e UÇK-së dhe të organizuar në formacion simbolik – u rreshtuan para bustit të heroit kombëtar Gjergj Kastrioti-Skënderbeu, në një akt nderimi dhe respekti për figurën që mishëron lirinë shqiptare. Qindra qytetarë nga të gjitha trojet shqiptare kanë marrë pjesë në protestën e tretë të këtij lloji, pas atyre të mbajtura në Prishtinë dhe Hagë. Protesta e sotme është parë si manifestim i unitetit kombëtar dhe shprehje e solidaritetit mbarëshqiptar me çlirimtarët e Kosovës që po përballen me procese gjyqësore ndërkombëtare.
