Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Autoritetet e larta të vendit kanë reaguar ndaj humbjes së jetës së tre të rinjve. Kryetarja e vendit, Vjosa Osmani “Me zemër të rënduar dhe dhimbje të thellë morëm lajmin tragjik për humbjen e jetës së tre fëmijëve në Jabllanicë të Gjakovës, të cilët u shuan para kohe si pasojë e rrënimit të një objekti të pabanuar” ka shkruar kryetarja e vendit, Vjosa Osmani. Ndaj kësaj ngjarje të rëndë, ka reaguar edhe lideri i Aleancës për Ardhmërinë e Kosovës, Ramush Haradinaj. I tronditur nga tragjedia në Jabllanicë të Gjakovës. Bashkëndjejmë me familjet Rama, Mehmeti e Morina, që humbën fëmijët. Zoti ju lehtësoftë dhembjen” , ka shkruar lideri i AAK-së, Ramush Haradinaj. “Me rastin e ngjarjes tragjike në Jabllanovicë të Gjakovës, ku humbën jetën tre fëmijë, kryetari i LDK-së, Lumir Abdixhiku ju shpreh ngushëllime familjeve dhe qëndron me ta në këto momente të rënda”, thuhet në njoftimin e LDK-s. Ndaj kësaj ngjarje të dhimbshme kanë reaguar edhe kryetar të partive tjera, kryetar komunash dhe personalitete tjera nga fusha të ndryshme.
