Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i LDK-së, Avdullah Hoti, ka akuzuar kryetaren Vjosa Osmani që po i qëndron krah pushtetit në shkatërrimin e marrëdhënieve mes Kosovës dhe Amerikës. Ai tha se Kosova si republikë parlamentare e ka postin e presidentit pikërisht për këto raste. “Shefja e shtetit po qëndron krah pushtetit në shkatërrimin e marrëdhënieve të Republikës së Kosovës me aleatin kryesor që garanton sigurinë e shtetit të Kosovës, SHBA-në. Si çdo republikë parlamentare, edhe Kosova e ka Presidentin posaçërisht për raste të tilla – për të mbajtur baraspeshën institucionale dhe për t’ia pamundësuar mazhorancës veprimet që dëmtojnë interesat shtetërore duke ndjekur interesat e tyre elektorale”, ka shkruar ai. Ish-kryeministri Hoti po ashtu kritikoi presidenten Osmani për heshtjen karshi përjashtimit të Kosovës nga “Mbrojtësi i Evropës 2023”. Ajo asnjë fjalë s’e nxjerr nga goja për përjashtimin e ushtrisë të cilën e komandon, nga ushtrimi më i madh që është mbajtur ndonjëherë në rajon.
