Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri Avdullah Hoti ka kritikuar ashpër presidenten Vjosa Osmani, duke thënë se ajo nuk po mban distancën e duhur nga zhvillimet politike dhe po vepron si “dorë e zgjatur” e kryeministrit Albin Kurti dhe qeverisë së tij. Hoti tha se Osmani është përfshirë në çdo aspekt të agjendës qeveritare, duke përfshirë aktgjykimet e Gjykatës Kushtetuese, miratimin e ligjeve dhe vendimet administrative, pa ruajtur pavarësinë e saj funksionale. Ai e akuzoi presidenten se nuk ka vepruar për të siguruar rendin kushtetues dhe se është përfshirë edhe në aktivitete të fushatës për zgjedhjet e jashtëzakonshme të 28 dhjetorit. Hoti theksoi se vendimmarrjet e rëndësishme në vend nuk kanë reflektuar pavarësi nga presidenca dhe se politika e Kosovës është shpesh ekzekutuar në koordinim të ngushtë me qeverinë, duke lënë pak hapësirë për rolin kushtetues të Presidentes.
