Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i Salih Mustafës, Julius von Bonne, ka paraqitur pretendimet e tij, lidhur me mos besueshmërinë e deklaratave të dëshmitarëve të Zyrës së Prokurorit të Gjykatës Speciale. Ai ka thënë se kjo zyrë po përpiqet të ndryshojë numrin e ndërtesave, në të cilat pretendohet të jenë mbajtur persona të ndaluar dhe po përpiqet të ndryshojë dëshmitë në mënyrë që ato të përshtaten me argumentet e prokurorisë. Sipas mbrojtjes, nëse trupi gjykues e shqyrton që Zyra e Prokurorit ka ndryshuar qëndrimin e saj, atëherë mbrojtja kërkon të dëgjojë përsëri të gjithë dëshmitarët e Prokurorisë. Avokati ka thënë se aktakuza e konfirmuar në këtë çështje është e bazuar mbi faktin që ka qenë vetëm një ndërtesë në të cilën janë ndaluar njerëzit në Zllashë, ndërsa në dëshmitë e dëshmitarëve të Prokurorisë, ai ka thënë se përmenden disa ndërtesa dhe sipas tij nuk është e qartë kush në cilin objekt ka qëndruar. Më lejoni të shtoj që edhe gjykatësi i procedurës paraprake është mashtruar ose kështu duket, nga Prokuroria. po t’i hedhim një sy vendimit të tij për konfirmimin e aktakuzës, ideja e tij dhe këtë mund ta shohim në citimet e vendimit të tij është që bëhet fjalë për vetëm një ndërtesë dhe jo për shumë ndërtesa”, Mbrojtja ka kërkuar që Salih Mustafa të shpallet i pafajshëm për të gjitha akuzat të cilat rëndojnë mbi të dhe ka kërkuar lirim sa më të shpejtë të tij.
Avokati Julius von Bone ka thënë para trupit gjykues se Mustafa nuk ka kryer asnjëherë krime por e ka vënë vetën në rrezik për të tjerët duke i shërbyer objektivit të përgjithshëm të popullit të Kosovës për të fituar pavarësinë.
