Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duke komentuar zhvillimet e fundit lidhur me referendumin në Serbi, profesori universitar, Arsim Bajrami ka shkruar se qasje e Bashkimit Evropian për mbajtjen e tij edhe në Kosovë ka qenë e gabuar dhe që sjell pasoja edhe në të ardhmen. Ai ka shkruar se Bashkimi Evropian në vend të shfaqjes së qëndrimit për mbajtjen e këtij referendumi edhe në Kosovë do t duhej që t’i bëjë Serbisë për hejqjen e Kosovës nga Kushtetuta e saj. “BE-ja në vend të përkrahjes se ndërhyrjes në rendin kushtetese të Kosoves, për gjoja ‘demokratizimin e Serbisë’ me qëllim te reformimit e sistemit gjyqësor me ndryshimin e Kushtetutës serbe, do të duhej të kërkonte në mënyrë unanime heqjen e Kosovës nga Kushtetua serbe si provokim i agresionit kushtetues ndajë Kosovës. Shtrohet pyetja si do të reagonte ajo në rast se Republika e Shqipërisë shpallë referendumin dhe kërkon votimin e qytetarëve të Kosovës në territorin e Kosovës për reformën e saj gjyqësore? Provokimi i fundit i Serbisë që në territorin e Kosovës si shtet sovran dhe i pavarur, të mbajë referendum për ndryshimin e Kushtetutës së saj paraqet një provokim të radhës. Bëhet fjalë për Kushtetutën e Serbisë, e cila jo vetëm në preambul, por edhe në pjesën normative e konsideron Kosovën si pjesë organike të saj dhe paraqet një tendencë të hapur të agresionit kushtetues ndaj Kosovës”, ka shkruar profesori universitar, Arsim Bajrami.
