Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidentja Vjosa Osmani ka dekretuar përsëri të njëjtët anëtarë në Komisionin Qendror të Zgjedhjeve, përfshirë Sami Kurteshin dhe Alban Krasniqin nga VV, Arianit Elshanin e Ilir Gashin nga PDK, dhe Sami Hamitin nga LDK. Emërimet u bënë pavarësisht kritikave të forta nga Misioni i BE-së për Vëzhgimin e Zgjedhjeve. Në raportin e fundit, BE-ja thekson se anëtarët e KQZ-së vepruan në interes të partive dhe jo në përputhje me ligjin. Vëzhguesit europianë nënvizojnë edhe ndërhyrjet e tyre në kompetencat e Sekretariatit, duke tejkaluar mandatin. Raporti kërkon masa për të garantuar paanshmëri dhe integritet. Sami Kurteshi, pavarësisht deklaratave fyese ndaj mediave, vazhdon të jetë pjesë e institucionit. Kritikët theksojnë mungesën e reflektimit institucional ndaj këtyre sjelljeve.
