Begaj: Kërkon mospengim të furnizimeve me ushqime për Malishevën

13/04/2020 Institucionet

Shtabi Komunal për Menaxhimin e Situatës me COVID-19 në Malishevë, sot e ka mbajtur takimin e rregullt, ku janë diskutuar një varg çështjesh me rëndësi jetike për banorët e Komunës së Malishevës, dhe për këto çështje janë njoftuar edhe organet në nivel republike, e që kanë të bëjnë me mospengimin e furnizimeve me gjëra ushqimore, për marketet në Malishevë. Fillimisht kryetari Begaj, ka raportuar për situatën aktuale në Komunën e Malishevës, ku sipas raporteve zyrtare, deri më tani me COVID0-19, janë prekur 68 persona, prej tyre një rast ka qenë me fatalitet, si dhe janë shëruar 15 persona. Në mbledhjen e sotme, u bë e ditur se ditëve të fundit, gjatë transportimit janë penguar tregtarët për sjelljen e furnizimeve në Komunën e Malishevës dhe jashtë Malishevës, përkatësisht për marketet ushqimore, e po ashtu pengesa kanë edhe bujqit për punimin tokave brenda dhe jashtë Malishevës, pastaj dorëzimi i qumështit dhe shërbimet tjera, siç janë shërbimet e internetit dhe kabllovikut, si dhe disa shërbime tjera me rëndësi vitale në këtë situatë. Për të gjitha këto, kryetari Begaj, pas takimit, ka biseduar sot edhe Ministrin e Ministrisë së Shëndetësisë, Arben Vitia, të cilin e ka njoftuar me këto kërkesa me rëndësi jetike për banorët e Komunës së Malishevës, dhe jemi në pritje të përgjigjeve dhe sqarimeve për këto çështje. Përndryshe, edhe nga ky takim, Kryetari Begaj, përsëri ju ka bërë thirrje qytetarëve, që të vazhdojnë ti respektojnë udhëzimet dhe këshillat e Institutit Kombëtar të Shëndetësisë Publike, për tu mbrojtur nga virusi korona, të mbajnë distancën sociale, të mos dalin pa nevojë, edhe kur dalin për blerje, të del një person nga familja, të mbajnë higjienën e duhur dhe të qëndrojnë në shtëpi. Nuhi Morina, drejtor i Qendrës Kryesore të Mjekësisë Familjare “Dr.Shpëtim Robaj“, në Malishevë, tha se ”QKMF-ja po punon me kapacitete të plota, ndërsa ët gjithë atyre që kanë nevojë, janë duke ju ofruar shërbimin e nevojshëm edhe me ekipe mobile”.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara