Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në ditën e dytë të Epopesë së Ushtrisë Çlirimtare të Kosovës, që njihet si Dita e Dëshmorëve, sot në Kompleksin Memorial në Prekaz ka bërë nderime edhe kryetari i Skenderajt, Bekim Jashari më përfaqësues dhe bashkëpunëtorë komunal të komunës së Skenderajt dhe atyre të Drenasit. “Shënimin e Epopesë së Ushtrisë Çlirimtare të Kosovës, bashkë me komunën e Drenasit, e vazhduam me homazhe tek Kompleksi Memorial “Adem Jashari”, në Prekaz, në nderim të të rënëve për Lirinë e vendit. Marsi është simbol i rezistencës dhe i atdhedashurisë, këto data na sjellin në mendje sakrificën e familjes Jashari dhe popullit tonë paqësor. Lavdi e përjetshme gjithë heronjve, dëshmorëve dhe të rënëve për Liri”, ka shkruar Jashari.
