Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i Kryesisë së AAK-së, Besnik Tahiri, ka reaguar ashpër ndaj vendimit të Gjykatës Kushtetuese që i shpalli kushtetuese dispozitat kalimtare të Ligjit për Zyrtarët Publikë, të cilat kufizojnë mandatin e pozitave drejtuese në administratën publike. Tahiri e quajti këtë vendim një “kthesë të rrezikshme” për të ardhmen e shërbimit civil, duke e akuzuar si cenim të garancive juridike dhe të të drejtave të fituara të nëpunësve civilë. Ai theksoi se ky zhvillim bie ndesh me standardet ndërkombëtare dhe obligimet që Kosova ka marrë në kuadër të Marrëveshjes së Stabilizim-Asocimit me BE-në. Tahiri paralajmëroi se këto ndërhyrje rrezikojnë stabilitetin institucional dhe depolitizimin e administratës, duke i konsideruar si pjesë të një tendence për kontroll institucional. Ai u zotua se do të angazhohet për rikthimin e garancive të plota për një administratë të pavarur, profesionale dhe në shërbim të qytetarëve.
