Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Blerta Deliu-Kodra, ka akuzuar Qeverinë e kryeministrit Albin Kurti se po përdorë veprime në Kuvend për të shmangur llogaridhënien dhe të devijojë vëmendjen nga bisedat e tyre me Milan Radojiçiqin. Ajo, ka akuzuar Qeverinë për veprime për të tërhequr vëmendjen e publikut nga përgjegjësia dhe llogaridhënia e tyre, që sipas saj e kanë nga bisedimet me Milan Radojiçiqin. Ajo ka thënë se aksioni i PDK-së në Kuvendin e Kosovës ishte një aktivitet simbolik i opozitës, në mënyrë demokratike, për të shfaqur gjithë atë që kishte ndodhur në ditët e fundit. Sipas asaj kjo ishte hera e parë në historinë politike të Kosovës që Qeveria pengonte një aktivitet simbolik të protestës brenda Kuvendit. Deputetja e PDK-së ka thënë se gjatë aksionit të deputetit Mërgim Lushtaku me përdorimin e ujit, zëvendëskryeministri Besnik Bislimi kishte reaguar “në një mënyrë të tmerrshme”, duke sulmuar fizikisht atë.
