Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Britanisë së Madhe në Kosovë, Jonathan Hargreaves, ka bërë të ditur nga Brukseli se gjatë kësaj jave ka zhvilluar takime me aleatët e NATO-s lidhur me të ardhmen e Kosovës në këtë aleancë, duke theksuar përkushtimin britanik ndaj KFOR-it edhe për tre vjet të tjera. Megjithatë, pavarësisht deklaratave inkurajuese, rruga e Kosovës drejt anëtarësimit në NATO vazhdon të mbetet e paqartë dhe e ngarkuar me pengesa politike. Në video-adresimin e tij nga selia e NATO-s, Hargreaves nënvizoi rëndësinë që ka NATO për qytetarët e Kosovës dhe rolin historik të Britanisë në sigurinë e vendit. Ai u zotua se Londra do të vazhdojë të punojë me institucionet kosovare për të forcuar kontributin e Kosovës në sigurinë evropiane. Por, përtej mesazheve mbështetëse, faktet në terren tregojnë se anëtarësimi i Kosovës në NATO mbetet i bllokuar për shkak të mosnjohjes nga disa shtete anëtare të aleancës dhe mungesës së konsensusit mes fuqive kryesore evropiane. Derisa nuk ka një ndryshim të qëndrimeve politike brenda NATO-s, takimet dhe deklaratat diplomatike rrezikojnë të mbesin më shumë simbolike sesa vendimtare për avancimin real të Kosovës drejt anëtarësimit.
