Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dardan Sejdiu ka shprehur shqetësimin për mungesën e vetëdijes publike lidhur me procesin që po zhvillohet në Hagë ndaj ish-krerëve të UÇK. Ai ka theksuar se ky gjykim nuk është vetëm për individët e akuzuar, por përpjekje për të rishkruar historinë e luftës çlirimtare të Kosovës. Shoqëria duhet të kuptojë rëndësinë e këtij procesi, duke e cilësuar si një situatë të papranueshme për faktin që nuk po merret me seriozitet. Ai ka shtuar se gjykimi nuk është vetëm për Hashim Thaçin, Kadri Veselin, Jakup Krasniqin dhe Rexhep Selimin, por që ky proces ka për qëllim të përballet me gjithë luftën dhe angazhimin e popullit të Kosovës për liri. Ky proces mund të ketë një ndikim të madh në të ardhmen, në mënyrën se si do të flitet për angazhimin e UÇK-së si forcë çlirimtare.
