Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përkundër që shumica e kolegëve të tij thanë që nuk e kishin ditur se po nënshkruanin për të kërkuar seancën ku do të zhbëhej Gjykata Speciale, deputeti Labinot Tahiri ka thënë se ai e dinte fare mirë çka nënshkroi dhe se nuk është penduar për këtë. “Mua nuk mund të më mashtroj askush. Jam i vetëdijshëm se çfarë kam nënshkruar, nuk kam nënshkruar për Thaçin, Ramushin apo të tjerë, kam nënshkruar për mijëra shqiptarë të cilët e kanë kërkuar atë”, ka thënë deputeti Tahiri.
Ai vlerëson se Gjykata Speciale është e njëanshme, e cila fare nuk merret me krimet e Serbisë në Kosovë. “Unë nuk turpërohem dhe nuk e kam kërkuar që nënshkrimi të më tërhiqet por ashtu e kam lenë, sepse gjykata është e njëanshme, flitet vetëm për UÇK-në, ndërsa për krimet e Serbisë nuk flitet”, ka thënë më tej ai.
Sipas tij, një gjykatë si kjo, përveç të gjallëve, do t’i dëmtojë edhe të vdekurit. “Nuk është i dëmshëm vetëm për ne që jemi të gjallë, por, edhe për ata që kanë vdekur duke u nisur prej Adem Jasharit që ishte në vetëmbrojte e i masakruar tërësisht me familjen e tij, e që sot ata që kanë bërë krime jetojnë edhe në mesin tonë, pra mund të ketë serbë të asaj kohe, policë që i realizuan ato masakra e jetojnë sot të lirë në Kosovë..!”, ka theksuar ai.
