Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Hisen Berisha iu ka përgjigjur ministres së Arsimit Arbërie Nagavci, e cila fajësoi komunat për mungesën e ndërtimit të çerdheve. Hisen Berisha e ka quajtur hipokrite e spekulante ministren, madje duke vënë në pikëpyetje edhe mënyrën se si Nagavci ka zhvilluar karrierën e saj profesionale e politike. “Spekulimet e tilla dhe përpjekjet për të fajësuar të tjerët për dështimet janë simptomë e një qeverisjeje që po humbet përkushtimin ndaj zhvillimit të mirëfilltë dhe drejtimit të duhur të institucioneve”, ka shkruar Berisha. Në deklaratat e fundit, Nagavci ka akuzuar disa komuna për bllokimin e procesit të gjetjes së lokacioneve për ndërtimin e çerdheve, duke e quajtur atë një betejë politike kundër qeverisë. Komunat, nga ana tjetër, mund të kenë përballë sfida të natyrës logjistike ose financiare, por është e rëndësishme të shqyrtohet tërësisht situata. Ky nivel i papërgjegjshmërisë dhe paaftësisë nuk mund të justifikohet, sidomos nga dikush që ka fituar pozitën përmes lojërave politike dhe që duket të jetë më e interesuar për mbrojtjen e një narrative të dështuar se sa për përmbushjen e nevojave të qytetarëve të vendit.
