Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lëvizjes Vetëvendosje, Donika Kadaj-Bujupi, ka thënë se kryetari Hashim Thaçi me veprimet e tij nuk e përfaqëson as unitetin dhe as popullin. Kadaj-Bujupi ka shkruar në rrjetin social se dhunshëm u zgjodh në krye të shtetit. “I ashtuquajturi president përsëri po dëshmon me veprimet e tij se nuk e përfaqëson as unitetin dhe as popullin. Dhunshëm krijoi karrierën e tij politike. Dhunshëm nënshkroi marrëveshjet kundërkushtutuese me Serbinë. Dhunshëm u zgjodh në krye të shtetit. Kryedhunuesi i shtetësisë ende po shtiret me maskën e paqësorit. Maskën me të cilin po përpiqet ta mbajë peng ende Republikën. Të blejë ende deputet. Të bëjë ende pazare me Srpskan e Vuçiqit. Dhunshëm u ngrite. Dhunshëm u zgjodhe. Dhunshëm shite interesat e vendit. Paqësisht zbrite. Paqësisht do shkarkohesh! Paqësisht do i japësh llogari vendit!”, ka shkruar Kadaj-Bujupi.
