Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Kuvendin e Kosovës është rihapur diskutimi për artistin dhe diplomatin, Gani Jakupi, i cili përfiton një pagë prej 7,500 eurosh në muaj nga Ministria e Punëve të Jashtme. Deputetja e Lidhjes Demokratike të Kosovës, Hykmete Bajrami, e sfidoi kryediplomaten Donika Gërvalla duke kërkuar sqarime mbi përfitimet që Jakupi i ka sjellë Kosovës. Ajo theksoi se duhet të dihet sa njohje ndërkombëtare ka fituar Kosova gjatë këtij mandati dhe sa organizata ndërkombëtare e kanë pranuar anëtarësimin e saj. Jakupi, i përshkruar si “artist shumëdimensional” dhe me prezencë të dobët në rrjetet sociale, është bërë temë kritike për rolin dhe përfitimet që i sjell shtetit, ndërsa ai jeton në Barcelonë dhe kryesisht shfaq përkrahje për qeverinë në postimet e tij në rrjetet sociale.
