Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në seancën e sotme, në gjykimin kundër Hashim Thaçit, Kadri Veselit, Rexhep Selimit dhe Jakup Krasniqi, në Gjykatën Speciale në Hagë, dëshmitari i 20-të është pyetur për takimin me Adem Demaçin dhe Albin Kurtin. Avokati i Thaçit, Gregory Kehoe e ka pyetur atë kur kishte shkuar bashkë me persona tjerë për të takuar Demaçin dhe se a kishte folur edhe me Kurtin si asistent i Demaçit, raporton “Betimi për Drejtësi”. Kurtin e adhuroj sot se është një kryeministër shumë i mirë, por nuk kam pas muhabete me Kurtin as me Demaçin. Demaçi nuk na ka pranuar se e diti situatën, se kush jemi, nuk na ka pranuar, është përgjigjur dëshmitari. Kur është pyetur për marrëdhënien e tij me Kurtin, përgjigja ka qenë me përmbajtje të redaktuar, por veç kësaj, dëshminë e këtij dëshmitari e ka karakterizuar pjesa e përmbajtjes së redaktuar në pothuajse tërë dëshminë e tij. Dëshmitari gjatë kësaj seance ka pohuar se të afërmit numër 1 dhe numër 2 kanë paguar serbët që mos ta fusnin të afërmin numër 2 në burg dhe po ashtu i afërmi numër 1 kishte qenë i përfshirë me fshatarët tjerë për të ditur sa para donin serbët që mos t’i merrnin në burg.
