Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa institucione paralele serbe në Kosovë, përfshirë zyra postare dhe tatimore, u mbyllën në dhjetë komuna të jugut të lumit Ibër, në një operacion të realizuar nga Policia e Kosovës. Ky veprim, i ndërmarrë me kërkesën e Ministrisë së Administrimit të Pushtetit Lokal, kishte si qëllim ndërprerjen e shërbimeve të jashtëligjshme që Serbia ka ofruar në Kosovë. Aksionet policore u zhvilluan në Lipjan, Kastriot, Prishtinë, Fushë Kosovë, Vushtrri, Artanë, Dardanë, Viti, Rahovec dhe Skënderaj. Prokuroria Themelore në Prishtinë e kundërshtoi këtë operacion, duke theksuar se nuk kishte ndonjë kërkesë zyrtare për të dhe se nuk kishte autorizuar Policinë për ndërmarrjen e tij. Autoritetet e vendit e kanë konsideruar veprimtarinë e këtyre institucioneve si të paligjshme që nga paslufta e vitit 1999, dhe kanë nisur mbylljen e tyre që nga viti i kaluar.
