Sunday , May 19 2024

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

DMSh në komunën e Rahovecit, kërkon nga qytetarët që të kenë vëmendje dhe kujdes të shtuar që të mos bëhen shkaktarë i ndonjë zjarri

28/03/2022 Institucionet

Tema të tjera...

Komuna e Rahovecit, përkatësisht Drejtoria për Mbrojtje dhe Shpëtim, kërkon nga qytetarët që të kenë vëmendje dhe kujdes të shtuar që të mos bëhen shkaktarë i ndonjë zjarri sepse java që lamë pas ka pasur vatra të zjarreve. Drejtori i Drejtorisë për Mbrojtje dhe Shpëtim, Kujtim Dina kërkon nga qytetarët e Komunës, veç̧anërisht për ata që dalin për piknik, një vëmendje dhe kujdes të shtuar që të mos bëhen shkaktarë i ndonjë zjarri. Javën që lamë pas ka pasur vatra të shumta zjarri që shpërthyen pothuajse në çdo anë të komunës, duke nisur nga fshati Çifllak, Guri i Kuq, Polluzhë dhe së fundi në malin e Hajratit në Krushë të Madhe. Gjithashtu drejtori Dina është shprehur se “ky dimër ishte shumë i thatë, prandaj në mungesë të lagështisë së tokës, fatkeqësisht, mundësitë e përhapjes së zjarreve janë të mëdha, por, nga një pakujdesi e vogël mund të shkaktohet një zjarr me përmasa dhe dëme të paparashikueshme. Andaj, reagimi në rreziqe dhe kërcënime është detyrë dhe obligim qytetar i secilit nga ne.”-ka thënë më tej Dina. Në situata kur nuk keni mundësi të veproni apo të reagoni, atëherë pa asnjë hezitim duhet ta lajmëroni rrezikun, duke ndjekur hapat si më poshtë: Informimin mund ta bëni në Qendrën Operative Emergjente 112, Njësinë e Zjarrfikësve në Rahovec në numrin e telefonit 029-277-555, Policinë e Kosovës në numrin e telefonit 192. ZJARRVËNIET E QËLLIMTA SI DHE ATO TË SHKAKTUARA NGA PAKUJDESIA, JANË VEPËR PENALE DHE SANKSIONOHEN ME LIGJ.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM

Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara