Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mjeku i Luftës dhe i Paqes, Fitim Selimi ka bërë një reagim publik lidhur me debatin mbi statusin e veteranëve të Ushtrisë Çlirimtare të Kosovës. Sipas tij, nocioni i “veteranit” dhe akti i “braktisjes” shpesh përdoren sipas interesit të momentit, ndërsa kërkojnë një kuptim të saktë juridik dhe moral. Veterani nuk është vetëm ai që ka marrë pjesë në luftë, por edhe ai që ka kontribuar në mënyrë të vazhdueshme deri në përmbushjen e misionit kombëtar. Ai kujton se veprimtaria politike dhe institucionale, si puna në Zyrën e UÇK-së për themelimin e Asamblesë Kombëtare, ishte një akt i rëndësishëm përkatësie. Sipas Selimit, tërheqja e arsyetuar nuk e humb statusin e veteranit, por braktisja e projektit dhe mohim i elementeve bazë cenon thelbin e tij. Ai shton se, ligjërisht, kufiri midis dezertimit dhe tërheqjes mbetet i paqartë, por moralisht dilema është e qartë: braktisja e projektit kombëtar në mes të rrugës është e papranueshme. Doktor Selimi përfundon se çdo kontribut në shërbim të lirisë së Kosovës meriton mirënjohje, ndërsa braktisja për arsye personale mbetet një njollë e pashlyeshme në historinë e luftës.
