Edhe një rast me Covid-19 në Skenderaj

25/04/2020 Institucionet

Kryetari i komunës së Skenderajt Bekim Jashari, ka njoftua se mbrëmë ka marrë informatën nga IKSHP që ka edhe një rast pozitiv me COVID-19 në komunën e Skenderajt. Ai ndër të tjera ka thënë: Pacienti është me banim në Skenderaj, lagjja 1, i izoluar tashmë në shtëpi dhe nën kujdesin e IKSHP-së dhe QKMF-së. Deri me tani në komunën tonë kemi pasur 6 raste pozitive me COVID-19, prej të cilave 1 është shëruar, 2 tjerë të shtrirë në QKUK kurse të tjerët shëndoshë e mirë, pa simptoma, të izoluar në shtëpitë e tyre. Të dashur qytetarë, rreth rastit të fundit nuk kemi marrë mbrëmë informatën e plotë nga IKSHP, andaj edhe nuk kemi bërë njoftimin për ju për këtë rast deri sa kemi marrë tani të gjitha informatat e nevojshme, kjo pasi që pacienti nuk ishte lajmëruar paraprakisht në QKMF-Skenderaj, por kishte shkuar direkt në QKUK-Prishtinë. Pa panik, gjendja është nën kontroll, vazhdoni të qëndroni në shtëpitë tuaja, respektoni vendimet e masat parandaluese, vetëm kështu mund t’ia dalim! Thuhet në njoftimin e kryetarit Jashari.

Kontrolloni gjithashtu

Kryetari Haliti ka vizituar nga afër punimet në asfaltimin e rrugëve në fshatin Lubishtë

Kryetari i komunës së Vitisë, Sokol Haliti me bashkëpunëtor, ka vizituar sot fshatin Lubishtë të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara