Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipëria, Edi Rama, ka deklaruar se ekonomia e vendit po vijon trendin pozitiv të rritjes, duke theksuar se tremujori i fundit i vitit 2025 ka shënuar një rritje prej afro 4%. Në podkastin Flasim, Rama u shpreh se këto shifra tregojnë një zhvillim të qëndrueshëm ndër vite, ndërsa theksoi se ekonomia shqiptare është duke u diversifikuar ndjeshëm. “Shqipëria nuk është më një ekonomi e kufizuar në një apo dy sektorë, por ofron mundësi investimi në pothuajse çdo drejtim për sipërmarrësit vendas dhe të huaj”, deklaroi ai. Duke folur për sektorin e turizmit, Rama theksoi se vendi ka arritur në rreth 12 milionë turistë në vit, duke e cilësuar këtë si një sukses të madh ekonomik. Ai shtoi gjithashtu se investimet e huaja direkte kanë arritur në rreth 1.5 miliardë euro në vit, duke reflektuar rritjen e besimit të investitorëve në ekonominë shqiptare. Deklaratat e tij vijnë në një kohë kur qeveria synon të thellojë më tej zhvillimin ekonomik dhe të tërheqë investime të reja strategjike në vend.
