Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama u kërkoi falje të gjithë shqiptarëve dhe partnerëve ndërkombëtarë për shfaqjet e ditës së sotme gjatë zgjedhjes së kryeprokurores së përkohshme. “Dua t’u kërkoj sot ndjesë të gjithë shqiptarëve pa dallim, por edhe partnerëve ndërkombëtarë për shfaqjen e sotme. Shfaqjen e sotme e dha opozita, por faturën e kësaj e merr përsëri e gjithë Shqipëria, e cila është më afër se kurrë çeljes së negociatave me BE-në dhe nuk i meriton as baltën as tymin një opozite që kruhet nga frika e Reformës në Drejtësi.” Rama tha se kishte bërë sa mundur për ta sjellë opozitën në tryezën e dialogut dhe se nuk ishte zgjedhja e mazhorancës zgjedhja e kryeprokurores së re në mënyrë të njëanshme. Kryeministri ka falënderuar edhe ish-kryeprokurorin Adriatik Llalla, i cili është i pari në 27 vjet që largohet nga detyra pa asnjë konflikt me shumicën në qeveri. Maks Haxhia, Arben Rakipi, Dhori Sollaku, Ina Rama u zgjodhën me miratimin e Sali e Berishës dhe të gjithë u fyen publikisht, u shanë, baltosën nga po Sali Berisha dhe partia e tij, sepse u munduan të bëjnë detyrën duke respektuar kushtetutën dhe ligjin. (Dita)
