Kryeministri i Shqipërisë Edi Rama, gjatë takimit të sotëm me përfaqësuesit e AAK-së, kanë diskutuar për situatën në tërësi dhe sfidat e përbashkëta. “Unë uroj dhe besoj që procesi i Ramushit do të jetë përfundimi që ne duam. Nuk është fundi por fillimi i një pune të përbashkët i dy qeverive për të fshirë përfundimisht këto lista njerëzish me urdhër-arreste të një kohe që i përket të shkuarës dhe na shfaqen në këto forma që na kujtojnë që e shkuara është një kërcënim për ne, ta bëjmë të shkuarën të pakthyeshme”, ka deklaruar Rama. Ndërsa, nënkryetari i AAK-së, Ardian Gjini ka falënderuar kryeministrin Rama për angazhimin pas ndaljes së Haradinajt në Francë. Pas takimit që pati me përfaqësuesit e AAK-së kryeministri Rama ka biseduar edhe me kryetarin e komunës së Prishtinës, Shpend Ahmeti, ndërkohë që pritet të bisedojë edhe me kryeministrin, Isa Mustafa.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …