Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I-zëvendëskryeministrja e Kosovës, Edita Tahiri, ka reaguar lidhur me zhvillimet e fundit në marrëdhëniet mes Kosovës dhe Shteteve të Bashkuara të Amerikës, duke paralajmëruar pasoja të ndjeshme nga pezullimi i dialogut strategjik. Tahiri ka thënë se kjo situatë u reflektua edhe në takimin që presidentja Vjosa Osmani pati me sekretarin amerikan të Shtetit, Marco Rubio, gjatë Asamblesë së Përgjithshme të OKB-së. Sipas saj, fakti që Rubio nuk bëri njoftim zyrtar për këtë takim, ndryshe nga të gjitha takimet e tjera të tij, është tregues i pasojave që tashmë po ndihen. “Po ndjehen pasojat e pezullimit të dialogut strategjik nga Amerika. Sekretari Marco Rubio ia zgjati dorën Osmanit, por nuk bëri njoftim zyrtar, ndërkohë që bëri për të gjitha takimet e tjera. Në ditët në vijim, Kosova do t’i ndjejë edhe më dëmtuese këto pasoja”, ka shkruar Tahiri. Ish-zyrtarja e lartë ka theksuar se raportet strategjike me SHBA-në mbeten jetike për Kosovën, duke paralajmëruar se çdo ftohje në këto marrëdhënie mund të ketë pasoja serioze për vendin.
