Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri në detyrë i Mbrojtjes, Ejup Maqedonci, ka reaguar ndaj pjesëmarrjes së presidentit të Serbisë, Aleksandër Vuçiq, në paradën ushtarake në Moskë më 9 maj, duke theksuar se kjo është një dëshmi e lidhjeve të forta që Serbia ka me shtetin rus dhe vendet autokratike. Maqedonci tha se ky akt tregon mbështetje për aleatët historikë të Serbisë, përfshirë Rusinë, dhe se ky bashkëpunim përfshin edhe blerjen e armëve dhe qasjen ushtarake. Ai gjithashtu theksoi se Serbia vazhdon të mbajë një qasje hegjemoniste ndaj Kosovës, duke e pasqyruar këtë në deklaratat dhe veprimet e saj, përfshirë mbështetjen që ofron për elementët që kanë kryer sulme terroriste në Kosovë. Maqedonci iu referua gjithashtu sulmeve të fundit, si ai i 24 shtatorit 2023 në Banjskë dhe sulmi në infrastrukturën kritike të Ibër Lepecit, si prova të synimeve destabilizuese të Serbisë ndaj Kosovës. Në lidhje me memorandumet e mbrojtjes të nënshkruara ndërmjet Shqipërisë, Kroacisë dhe Kosovës, Maqedonci theksoi se këto marrëveshje nuk kanë për qëllim kërcënimin e asnjë shteti, por janë një hap për të forcuar bashkëpunimin dhe sigurinë e Ballkanit Perëndimor.
