Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbetjet e ricikluara të kohës së “bashkim vëllazërimit” në Kosovë, nuk po arrijnë ta kuptojnë se ka vdekur përgjithmonë ajo koha e tyre e “artë” e kohës së Titos dhe se Serbia kurrë nuk i ka dashur shqiptarët, madje tani nuk i duron dot as disa nga shqiptarët e ndershëm (posteni siptari), të cilët çuditërisht dhe në mënyrë tejet fanatike nuk i shqiten dot përpjekjeve të tyre për ringjalljen e bashkim vëllazërimit.
Kjo “artiste” e cila hyn e del në Serbi, sikur të jetë në shtëpinë e saj, sot më 30 maj 2018, duhet të udhëtonte për të qenë pjesëmarrëse në festivalin e përbashkët Kosovë-Serbi, i njohur si ‘Mirdita, Dobar Dan”, por serbët e ndaluan në kufi dhe e kontrolluan, sikur e kanë zakon, kur janë në pyetje shqiptarët, madje tani edhe kumbarët e pobratimët e tyre të dikurshëm e të sotëm. Por ata kurrë nuk e kanë ndaluar Veton Surroin, i cili i përuron në “Francuska 7”, në Beograd edhe librat e tij të përkthyera serbisht, nuk e pengojnë dot kumbarën e stanishiqit, Bato Haxhiu dhe tërë një staf të vetëquajturish intelektualë, të cilët mund të mos shkojnë kurrë me dëshirë në Shqipëri, por nuk e marrin dot me mend të mos shkojnë, në Serbi. Elizës iu gjet një foto e UÇK-së, dhe kjo i mjaftoi policisë së Serbisë për t ia konfiskuar atë foto.
