Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eman Rrahmani, anëtar i “Koalicionit për Familje”, ka kritikuar kryeministrin Albin Kurti, duke e quajtur si shkaktar për largimin e tij nga Lëvizja Vetëvendosje. Ai ka theksuar se partia është identifikuar ngushtë me Albin Kurtin dhe, sipas tij, pa të, partia nuk mund të ekzistojë. Ai ka shtuar se nuk ka parë asnjë ndryshim në partinë që ai kishte mbështetur fillimisht, duke shpjeguar se ky ishte një faktor vendimtar që e çoi në largim. Qëndrimet e Kurtit dhe kufizimet që ai vendos për deputetët janë të papranueshme për të. Ai ka kritikuar shkarkimin e deputetëve që kanë votuar ndryshe, duke e cilësuar këtë si një praktikë të pakuptueshme dhe të papranueshme. Eman Rrahmani dhe Visar Korenica janë larguar disa muaj më parë nga Vetëvendosja, duke u bashkuar me “Koalicionin për Familje” për të avancuar platformën e tyre politike.
