Kryetari francez, Emmanuel Macron, me rastin e shënimit të një shekulli që prej shpërthimit të ndasive të Luftës së Parë Botërore, ka bërë thirrje për krijimin e një “ushtrie të njëmendtë evropiane” me qëllim të mbrojtjes më të mirë nga Rusia, por edhe nga Shtetet e Bashkuara të Amerikës. Macron, i cili ka insistuar për krijimin e një force të përbashkët ushtarake në BE-së që prej ardhjes në pushtet vitin e shkuar, ka thënë se Evropa ka nevojë ta kufizojë varshmërinë e saj nga fuqia amerikane, jo vetëm tani pasi presidenti amerikan, Donald Trump, njoftoi tërheqjen nga traktati bërthamor i kohës së Luftës së Ftohtë. “Ne duhet të mbrohemi nga vendet si Kina, Rusia por edhe SHBA-ja”, tha Macron për Radion “Europe 1”. “Kur e shoh presidentin Trump tek njofton se po tërhiqet nga një traktat madhor i çarmatimit, i cili ishte arritur pas krizës së raketave të të 80’ave që goditi Evropën, mendoj se kush është viktima kryesore? Evropa dhe siguria e saj”, ka saktësuar Macron, raporton “Associated France Press”.
Kontrolloni gjithashtu
Më 6 maj të vitit 1405 në Principatën e Kastriotëve u lind Gjergj Kastrioti-Skënderbeu
Më 6 maj të vitit 1405 u lind Gjergj Kastrioti-Skënderbeu. Ai, ishte një fisnik dhe …