Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Emisari i Shteteve të Bashkuara të Amerikës për Ballkanin Perëndimor, Gabriel Escobar, ka folur për qëndrimin e kryeministrit Albin Kurti, lidhur me vendosjen e rendit dhe ligjit në gjithë territorin e Kosovës. Escobari ka thënë se sundimi i ligjit nënkupton edhe implementim të obligimeve ndërkombëtare dhe gjithashtu edhe vendimeve të gjykatave, siç është ai për Manastirin e Deçanit. Escobar ka thënë se edhe krijimi i Asociacionit të Komunave me Shumicë Serbe është pjesë e sundimit të ligjit. Escobari në bashkëbisedim me gazetarët ka thënë se Kosova duhet ta heq masën e ndalimit për mallrat serbe. Ai ka cituar qëndrimin e BE-së, e cila ka thënë se është jo-evropiane që të ndalohet lëvizja e lirë e mallrave dhe njerëzve dhe për më tepër nuk ka as bazë ligjore. Emisari amerikan thotë se përkrah pozicionin e BE-së dhe konsideron se një veprim i tillë i Kosovës është një eskalim i panevojshëm në një situatë tashmë të tensionuar.
