Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në prag të festës sonë të madhe kombëtare 28 Nëntorit, kryetari i komunës së Rahovecit Smajl Latifi, së bashku me drejtorin e DKA-së, z. Avni Morina, drejtorin e DKRS- z. Arim Dina dhe me bashkëpunëtorë, në prani të nxënësve, mësimdhënësve dhe qytetarëve të tjerë pjesëmarrës, përuruan përfundimin e punimeve të eficiencës së energjisë në SHFMU “Faik Konica” në Celinë. Vlera e investimit në eficiencë të energjisë në këtë objekt shkollor është 60.840,85 €. Në kuadër të këtij investimi janë kryer këto punime: Izolimi i jashtëm dhe fasadimi; Izolimi i kulmit të objektit; Heqja e dritareve të vjetra dhe zëvendësimi i tyre me dritare të reja termoizoluese; Ndriçimi i brendshëm tërësisht eficient; dhe Montimi i dyerve të hyrjes. Me këtë investim, objekti i kësaj shkolle tashmë ka kushte shumë më të mira për zhvillimin e procesit edukativo arsimor. Kryetari Latifi duke ju uruar 28 Nëntorin, ju shprehu urime dhe suksese në vazhdimësi nxënësve dhe mësimdhënëse të SHFMU “Faik Konica”.
