Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli, menaxher i programit në Institutin Demokratik të Kosovës, ka deklaruar se ndërhyrja e çdo aktori për të ulur tensionet politike është e mirëpritur, por ka theksuar se presidentja e vendit nuk ka mandat kushtetues për të ofruar apo imponuar zgjidhje në krizën aktuale rreth konstituimit të Kuvendit. Përfshirja e cilitdo aktor që mund t’i zbusë gjakrat është i mirëseardhur, por në kuptimin praktik presidentja s’ka asnjë lloj mandati kushtetues për të gjetur dhe imponuar zgjidhje, tha Cakolli. Sipas tij, ndërhyrja më e mundshme që mund të bëjë presidentja është referimi i situatës në Gjykatën Kushtetuese, si pjesë e rolit të saj për të garantuar funksionimin kushtetues të institucioneve. Ai shtoi se hezitimi i deputetëve të Lëvizjes Vetëvendosje për të pranuar ndërhyrjen e presidentes tregon frikën nga një zgjidhje që mund t’i vendosë në një pozitë të pafavorshme politike.
