Deputetja e Parlamentit Evropian nga Partia Laburiste, Julie Ward, që udhëhiqet nga Jeremy Corbyn, ka ardhur në Kosovë bashkë me vëzhgues të tjerë nga BE-ja dhe është gëzuar me faktin që ka parë shumë të rinj pranë kutive të votimit. Megjithatë, në Kosovë, asaj i intereson një çështje më shumë se të tjerat: trajtimi i grave që kanë qenë viktimë e dhunës seksuale në luftën e fundit. Lidhur me implementimin e Ligjit që rregullon kompensimin e viktimave të dhunës seksuale, ajo kishte gati një letër për kuvendin e shpërbërë, të cilën do ta adresojë në momentin e konstituimit të kuvendit të ardhshëm. Ward, në Parlamentin Evropian, ndër të tjera, është pjesë e delegacionit për relacionet me Bosnjë e Hercegovinën dhe Kosovën dhe komitetin për të drejtat e grave dhe barazi gjinore. Ajo mban kontakte të vazhdueshme me organizatat e këtij profili në Kosovë dhe premton se edhe për 2 vjetët e mbetur të mandatit të saj si eurodeputete, do të ngritë zërin sa herë që të këtë mundësi për këto çështje.
Kontrolloni gjithashtu
Në raportin vjetor të organizatës “Freedom House” janë përmendur rastet e Shemsi Hazitit, Nagip Krasniqit dhe Martin Berishajt
Në raportin vjetor për vitin e kaluar 2023 të organizatës ndërkombëtare “Freedom House” është përmendur …