Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës, Fatmir Limaj, ka argumentuar se për ta përmirësuar sistemin e drejtësisë në Kosovë, rruga e vetme është rritja e performancës dhe vendosja e meritokracisë në institucionet e drejtësisë. Limaj theksoi se, megjithëse Qeveria dhe Kuvendi mund të propozojnë reforma ligjore dhe të miratojnë ligje të reja, prokurorët dhe gjyqtarët duhet të mbahen përgjegjës për zbatimin e tyre efektiv. Ai vuri në dukje se nëse ligjet nuk zbatohen në kohë, duhet të ketë sanksione për përgjegjësinë e tyre. “Krejt çka mund të bëjnë Parlamenti dhe Qeveria është të propozojnë ligje e reforma, sepse funksionimi i drejtësisë varet nga ligjet. Nëse një ligj nuk zbatohet si duhet, duhet të sanksionohet përgjegjësi. Zyrtarisht, rruga e vetme për ta reformuar është rritja e performancës. Prokurorët që nuk funksionojnë brenda afateve të parashikuara, duhet sanksionuar. Ligjet duhet ta parashohin këtë, jo pse dikush e dëshiron, por sepse është e domosdoshme”, tha Fatmir Limaj.
