Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Skënderajt, Fadil Nura thotë se ata që mendojnë se kam kandiduar kundër familjes Jashari kanë koeficient të ulët inteligjence. Kam kandiduar për të mirën e Skenderajt për bashkëpunim edhe me ish-kryetarin Bekim Jashari. “Realisht është koncept i gabuar nëse ne mendojmë se në një manifestim të vullnetit të lirë dhe të një sistemi demokracisë liberale qysh e kemi ne në sistemin kushtetues, është dikush kundër dikujt. Mua kjo mundësi m’ u ka kërkuar edhe me aprovimin e subjektit të cilit unë i takoj Partisë Demokratike për shkak të pengesave që iu bënë kryetarit të degës dhe kjo me mbështetjen e të gjitha strukturave të degës dhe me kërkesën madje të tyre kam hyrë në garë dhe nuk kam qenë kundër askujt. Çdo tendencë e tillë, ose çdo manifestim në ndër dijen e çdo kujt që mendon se kandidatura ime ka qenë kundër familjes Jashari, ai mund të jetë në nivelin e idiotit. Ne kemi kandiduar me kandidatë të tjerë që kanë qenë për Skenderaj e kam ofruar programin tim politik, alternativën, objektivat e mia politike dhe qeverisjen për Skenderaj. Kështu që unë besoj që edhe Bekimi si ish-kryetar i Komunës çdo iniciative e tij çdo ide e tij që është e mirë për Skenderaj është i hapur të bashkëpunojmë”, ka thënë kryetari i Skënderajt, Fadil Nura për Kosovapress.
