Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Xhaminë e Madhe është mbajtur manifestimi qendror i Kurban Bajramit, i organizuar nga Bashkësia Islame e Kosovës, ku mijëra besimtarë myslimanë morën pjesë në faljen e namazit të Bajramit. Bashkësia Islame e Kosovës ka njoftuar se manifestimi qendror i festës së Kurban Bajramit për territorin e Kosovës është mbajtur sot me 27 maj 2026, në Xhaminë e Madhe. Sipas njoftimit të BIK-ut, programi festiv ka filluar në ora 04:25 me faljen e namazit të sabahut, pas së cilës ligjëratën tematike e ka mbajtur Arbnor efendi Sinani, kryeimam i KBI-së në Skenderaj. Namazi i Kurban Bajramit është falur në ora 05:40, ndërsa i ka prirë Mustafë efendi Dallku. Hytben dhe mesazhin qendror të festës e ka mbajtur Myftiu i Kosovës, Naim Tërnava. i cili bëri thirrje për paqe, solidaritet, mirësi dhe afërsi mes njerëzve. Pas ceremonisë fetare, në selinë e Kryesisë së BIK-ut po organizohet edhe pritja tradicionale e urimeve me rastin e festës së Kurban Bajramit. Besimtarët po festojnë këtë ditë të shenjtë me lutje dhe urime për paqe, shëndet dhe mirëqenie për të gjitha familjet shqiptare.
