Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, së fundmi është përfshirë në diskutime politike rreth formimit të shumicës parlamentare, por bisedimet me kryeministrin në detyrë, Albin Kurti, nuk rezultuan në marrëveshje. Pas votimit të së dielës, ku qeveria e propozuar nga Lëvizja Vetëvendosje nuk mori mbështetjen e Nismës, Limaj pati takim me kryetarin e Lidhjes Demokratike të Kosovës, Lumir Abdixhikun. Ky i fundit e cilësoi takimin si pozitiv, pa dhënë detaje shtesë për temat e diskutimit. Duke pasur parasysh raportet jo të mira të krijuara pas zgjedhjeve me Aleancën për Ardhmërinë e Kosovës, si dhe mospajtimet e vjetra me Partinë Demokratike të Kosovës, analistët politikë vlerësojnë se bashkëpunimi me LDK-në mund të jetë opsioni më i mundshëm për Nismën. Burime jozyrtare thonë se pas përfundimit të zgjedhjeve komunale pritet të zhvillohen bisedime më të thelluara rreth mundësisë që përfaqësues të Nismës të jenë pjesë e listës zgjedhore të LDK-së për zgjedhjet parlamentare. Sipas vlerësimeve të deritanishme, Nisma gëzon rreth 15 mijë vota në nivel vendi dhe rreth 2 mijë vota në Prishtinë në zgjedhjet për Asamble, çka do të përbënte shtesë të rëndësishme për LDK-në në rast të bashkëpunimit të mundshëm politik.
